Ngaa Man?

Dear __________,


Maayo nga adlaw sa imo. Di ko bal-an kung ano oras o adlaw mo ini mabasahan. Pero gusto ko na mabasa mo ni kay damo ged ako gusto ihambal sa imo.

Una, di ko bal-an kung ngaa subong lang ta nagkakilala. Sa kadamo-damo sa higayon nga pwede ta magkakilala ngaa ged subong pa? Subong pa na indi pwede. Indi ged pwede kay may ara ka naman iba.

Ikaduha, di ko bal-an kung ngaa malipay ko kung makita ta ka. Eksayted ged ko nga makita ka adlaw-adlaw. Halin sang nakita taka, daw kanami mag-obra kay bal-an ko ara ka man. Daw indi ko gusto na indi taka makita sa sulod sa isa ka adlaw. Indi ko ged kaya. Di ko bal-an kung ngaa amo ni ang pamatyagan ko sa imo.

Ikatlo, di ko bal-an kung ngaa pirmi ka lang gasulod sa isip ko. Indi ko man gusto nga isipon ka pero magwa ka man lang gihapon sa isip ko. Kag kung isipon taka, pamatyagan ko ga-smayl akon hart. Hehe. Kag pati sa akon damgo ara ka man. Baw ged ahh! Ano ka man, ngaa pirmi ka na lang ara sa isip ko.

Ika-apat, di ko bal-an kung tama ba o indi nga itago ko sa imo ang ginabatyag ko. Ti indi pa man ko sigurado kung ano ni man. Pamatyagan ko nakagusto lang ko sa imo kay buot ka kaayo. Indi ko man sigurado kung amo ning siling nila na "LOVE", kay hambal pa sang bible, "Love bears all things, believes all things, hope all things, endures all things" (1 Cor. 13:7). Siguro ganahan lang ko sa imo.

Pero kung ano maning akon ginabatyag sa imo, pabay-an ko lang anay. Kay amo ning isa sa mga rason subong kung diin gusto ko mahimo nga "BEST PERSON". Kag ikaw man ang isa sa mga rason kung ngaa gusto ko magbag-o. Salamat ged sa imo kay nakilala taka.

Siling nila, may ara daw ginatawag na "PARALLEL UNIVERSE". Amo daw ning lugar nga kopya sa aton earth. Siguro sa lugar nato, upod ta duha. Buot ko silingon, upod ta as in "FOREVER".
Inggit man ko sa ila ba. Mayad pa sila sa didto na lugar upod sila. Sige lang. Bal-an ko man nga may ara gin-andam ang Diyos para sa akon. Gusto ko lang na pasalamatan ka bisan way ka man ginhimo para sa akon, pero salamat kay ikaw ged ang isa sa inspirasyon ko subong sa paglakaw sa dalan nga ginatawag ug "LIFE".

Salamat ged. Halong ka pirmi ha. Indi magpagutom. Hehe


Salamat,


__________